ايام واكيد هتنسي

أيام واكيد هتنسى

أنا آسف غصب عني . .. ياعمري ياحتة مني

هبعد عنك لأنـــــــي . .. نهايتي هتألمـــــك

ياأغلى الناس عليــــا .. . أنا كنت كمان ضحية

لا بأمري ولا بإيديــــــا . .. مش عايز أظلمـــك

أنا أضعف من إنــي أناضــــــل . .. وأوصلك لو كنتي بعيدة

أنا حكمي عليكي دا كان عادل . .. أحسنلك لو تبقي وحيدة

وأنا كل إللي باقيلي وفاضــــل .. . من حبك دمعة وتنهيـــــدة

كنت أتمنى أخطــــي وأدوس . .. على كل الأحــــــزان والويل

كنت أتمنى مكونشي كابوس . ..
تصحي عليه من حلم جميل

كان لازم تفهمي كان لازم تعـــــــرفي

بعيدة هتبقي أقوى وجنبي هتضعفي

أيام وأكيد هتنسي إنسان كان يوم حبيبك

وأنا من جوايا بدعي الفرح يكون نصيبـــــك

أنا لو كنت بإيديا مكنتش يوم هسيبــــــــك